About

Mae bywydau bechgyn ysgol dawnus ond caled o Brydain yn newid am byth pan fydd dau athro â safbwyntiau croes ar addysg yn dechrau brwydr i gael lle iddynt yn Rhydychen a Chaergrawnt. Ysgrifennwyd y ddrama gan yr enwog Alan Bennett yn 2004, ac enillodd Wobr Olivier yn 2005 am y Ddrama Newydd Orau. Y brif thema yw diben addysg. Drwy gydol y ddrama, mae cymeriadau gwahanol yn cwestiynu'r dull gorau o addysgu'r bechgyn. Mae Hector a'r Pennaeth yn cynrychioli'r ddwy ochr fwyaf eithafol i'r ddadl. Mae'r pennaeth yn credu mai diben addysg yw cyflawni nod, a'r nod yw cael lle mewn prifysgol o'r radd flaenaf, ac mae Hector yn credu nad addysg yw diwedd y daith. Mae Irwin a Mrs Lintott yng nghanol y sbectrwm, er bod y ddau'n barod i wneud yr hyn sy'n angenrheidiol i baratoi'r myfyrwyr ar gyfer eu harholiadau. Ar y cyfan, mae Bennett yn cyflwyno barn sinigaidd am gyflwr addysg ym Mhrydain.
 

Yn addas ar gyfer pobl 16+ oed, mae'r sioe yn cynnwys themâu ac iaith oedolion.

TOCYNNAU: £15.00/£12.00, consesiynau ar gael ar-lein yn www.dylanthomastheatre.org.uk neu drwy ffonio'r theatr ar 01792 473238. Sylwer, ni chaiff tocynnau eu postio atoch, rhaid eu casglu yn y theatr.